ماسکو،13جنوری/(آئی این ایس انڈیا)پولینڈ میں امریکی افواج کی تعیناتی پر روس نے شدید ردعمل کا اظہار کیا ہے۔ مشرقی یورپ میں گزشتہ روز ہزاروں امریکی فوجیوں کی تعیناتی کا عمل شروع ہوا جبکہ ساتھ ہی ٹینک اور دیگر بھاری اسلحہ جات بھی وہاں منتقل کیا جا رہا ہے۔ روس کی طرف سے کریمیا کو اپنا حصہ بنانے کے بعد امریکی صدر باراک اوباما نے ایک نیٹو مشن کے تحت مشرقی یورپ میں امریکی فوجی تعینات کرنے کا اعلان کیا تھا۔ ماسکو حکومت نے اس پیش رفت کو روس کی خودمختاری کے لیے خطرہ قرار دے دیا ہے۔